Թվինինգը Եվրոպական Հանձնաժողովի նախաձեռնություն է, որն ի սկզբանե նպատակաուղղված է եղել օգնել թեկնածու երկրներին ձեռք բերել անհրաժեշտ հմտություններ և փորձ ընդունելու, իրականացնել և ապահովելու ԵՄ օրենսդրության կատարումը: Սկսած 2003թ.-ից՝ թվինինգը հասանելի դարձավ Արևելյան Եվրոպայի որոշ նորանկախ  պետությունների և Միջերկրական տարածաշրջանի պետությունների համար:         

​         Թվինինգ ծրագրերը մեկ հարթակ են բերում ԵՄ անդամ երկրների  և շահառու երկրների հանրային սեկտորի գիտելիքները և փորձը համագործակցությունը հզորացնելու նպատակով: Նրանք շահառու երկրի համար պետք է ապահովեն կոնկրետ գործառնական, տվյալ երկրի և ԵՄ միջև կնքված Ասոցացման Համաձայնագրից բխող արդյունքներ: 





Թվինինգի սկզբունքները



         Ի լրումն ԵՄ և երրորդ երկրների հետ կնքված համաձայնագրերի պայմանների բավարարման` թվինինգի նպատակներից մեկը նաև կառուցվածքային բարեփոխումների զարգացումն է:  Ծրագրի ավարտին արդյունքում ստեղծված նոր կամ ադապտացված համակարգ պետք է գործի շահառու երկրի իրավասության ներքո:  

         Ծրագրերը ներառում են նաև ԵՄ օրենսդրության ընդունման տարրեր, ինչը ենթադրում է թեկնածու երկրների իրավական համակարգի մոտարկում, այլ ոչ ամբողջական ինտեգրում ԵՄ օրենսդրությանը:    

         Թվինինգի տեղական գործընկերը ներկայացվում է հանրային մարմնի կողմից,  որն ունի կարողություն աշխատելու ԵՄ անդամ երկրի միևնույն կառուցվածքն ու գործառույթն ունեցող մարմնի հետ: Շահառու երկրի գործընկերը պետք է ունենա օրենսդրական փոփոխություններ իրականացնելու համապատասխան կարողություններ:  Թվինինգ ծրագիրն իրենից չի ներկայացնում ԵՄ կողմից տրամադրվող միակողմանի տեխնիկական աջակցություն: 

 

        Լրացուցիչ տեղեկատվություն Թվինինգի վերաբերյալ կարող եք գտնել այստեղ՝